" ဆင်ခြေထောက်ရောဂါကာကွယ်ဆေး "

" ဆင်ခြေထောက်ရောဂါကာကွယ်ဆေး "
=======================
ဆင်ခြေထောက်ရောဂါကာကွယ်ဆေးလိုက်တိုက်တာနဲ့ပတ်သက်လို့ တော်တော်လေး အထိတ်တလန့်ဖြစ်နေကြရတယ်။ ဒီနေ့ 7Day မှာကလည်း ဆင်ခြေထောက်ရောဂါကာကွယ်ဆေးသောက်အပြီး နှလုံးရောဂါနဲ့ ဆုံးသွားတယ်ဆိုပြီးသတင်းမျက်နှာဖုံးကြီးပါလာတော့ ဆင်ခြေထောက်ရောဂါကာကွယ်ရေး စီမံချက်တစ်ခုလုံးရေစုန်မျောရတော့မလို ဖြစ်နေရတယ်။
ကာကွယ်ဆေးဆိုတာထက်စာရင် ဆင်ခြေထောက်ရောဂါပိုးကိုသတ်တဲ့ဆေးပါ။ ဆင်ခြေထောက်ရောဂါပိုးကို သတ်တဲ့ဆေးဆိုပေမယ့် ငါကတော့ ဆင်ခြေထောက်ရောဂါမှမရှိတာ သောက်စရာမလိုဘူးဆိုတာမျိုးမဟုတ်ပါဘူး။ အခု Random စစ်ဆေးချက်များအရတော့ လူ ၃၀၀၀ မှာ ၅ယောက်ထိတွေ့တယ်လို့ဆိုပါတယ်။ WHO ရဲ့ သတ်မှတ်ချက်အရ စီမံချက်နဲ့ တိုက်ဖျက်ရတာက လူ ၁၀၀၀ မှာ ၁ယောက်နှုန်းအောက်ထိရောက်အောင် တိုက်ရပါတယ်။ အခုက လူ ၆၀၀ မှာ ၁ယောက်နှုန်းဖြစ်နေတဲ့အတွက် ဆေးတိုက်တယ်လို့ထင်ပါတယ်။ နောက်ပြီး ဆင်ခြေထောက်ရောဂါပိုးရှိသူကနေ ခြင်ကတဆင့် ပြန်ကူးစက်နိုင်တဲ့အတွက်ကြောင့်လည်း ဆေးတိုက်တဲ့အခါမှာ ဒေသအလိုက် ရွာဆိုရင်လည်း ရွာလုံးကျွတ်၊ မြို့ဆိုရင်လည်း မြို့လုံးကျွတ်တိုက်ရပါတယ်။ ဖြစ်တဲ့သူမှသောက်ဆိုတာမျိုးမဟုတ်ပါဘူး။ ဆင်ခြေထောက်ရောဂါဆိုတာကတော့ ခြင်ကနေတဆင့်ကူးစက်ပြီး သားနံရည်ကြောတွေမှာ ပိုးရောက်ရှိပြီး ပိတ်ကုန်တာကြောင့် သားနံရည်ကြောတွေဖောင်းကာလာတာပါ။ သွေးထဲမှာ အကြာကြီးရှိနေနိုင်တဲ့ရောဂါဖြစ်ပြီး ဖောင်းကားလာတဲ့ခြေထောက်တွေဟာ နောက်ဆုံးအဆင့်ပါ။ သွေးထဲမှာနေနေတဲ့အချိန် ခြေထောက်တွေဖောင်းကားမလာသေးလို့ရောဂါမရှိဘူးလို့ထင်ရင်မှားပါမယ်။ သွေးထဲမှာရှိနေတဲ့အချိန်မှာကုလို့ရပေမယ့် ခြေထောက်တွေဖောင်းလာပြီဆိုရင်တော့ ခွဲစိတ်မှုပဲလုပ်ရပါတော့တယ်။

တိုက်တဲ့ဆေးတွေကိုကြည့်ကြည့်တာတော့ Diethyl Carbamazine Citrate (DEC)နဲ့ Albandazole တို့ကို ပေါင်းတိုက်ပါတယ်။ ဒါက ကမ္ဘာ့ကျန်းမာရေးအဖွဲ့က သတ်မှတ်ထားတဲ့ ဆေးပေါင်း (regime) ပါ။
ဒါပေမယ့် ကျွန်တော် သိသလောက်ကတော့ DEC ရော Albandazole ရောဟာ အရမ်းဆိုးရွားပြီး သိသာတဲ့ ဘေးထွက်ဆိုးကျိုးတွေမရှိတတ်ပါဘူး။ နှစ်ခုစလုံးက ဓါတ်မတည့်တဲ့သူတွေ၊ ကိုယ်ဝန်ဆောင်နဲ့ ကလေးသူငယ်တွေမှာ သောက်သုံးလို့မရတာပဲရှိပါတယ်။ ဓါတ်မတည့်တဲ့သူဆိုတာကတော့ ဒီဆေးတွေမှ မဟုတ်ပါဘူး။ ဆေးတိုင်းမှာရှိတတ်ပါတယ်။ ဒီဆေးကို ကိုယ်ဝန်ဆောင်နဲ့ ကလေးသူငယ်တွေကလွဲရင်တော့ အများကြီးကန့်သတ်ထားတာမျိုးမရှိပါဘူး။ နှလုံးရောဂါနဲ့ ဆုံးသွားတယ်ဆိုတာကလည်း ထန်းသီးကြွေခိုက်ကျီးနင်းခိုက်ဆိုသလိုပဲ လူတွေက ဒီဆေးတွေနဲ့ပတ်သက်လို့ အထိတ်တလန့်နဲ့စိုးရိမ်နေတဲ့အခိုက်မှာ ဖြစ်သွားတဲ့အတွက် ဒါ့ကြောင့်ပဲလို့ ကျိန်းသေအထင်ခံရတာပါ။ မူးမော်အော့အန်တယ်ဆိုတာကတော့ သာမန်ရိုးရိုး ပါရာစီတမောကိုတောင် ဆေးကြောက်တဲ့သူတွေသောက်ရင်ဖြစ်တတ်သေးတာ သိပ်မထူးဆန်းပါဘူး။ အခုက ဒီဆေးတိုက်နေတာကို သံသယကြီးနဲ့စောင့်ကြည့်နေတဲ့အခါမှာ အသေးအဖွဲလေးကအစ မြင်သလိုဖြစ်နေရတယ်လို့ ကျွန်တော်တော့မြင်ပါတယ်။

ကျန်းမာရေးအဖွဲ့တွေရဲ့လုပ်ထုံးလုပ်နည်းမှာ နည်းနည်းလိုသွားတယ်လို့ ပြောရမယ်ထင်ပါတယ်။ လူထုက အသေအချာမသိသေးတဲ့အချိန်မှာ အတင်းလိုက်တိုက်သလိုမျိုးဖြစ်သွားလို့ အကုန်လုံးအထိတ်တလန့်ဖြစ်သွားရတယ်။ ဒါပေမယ့် မြန်မာပြည်မှာ ၀န်နဲ့အားမမျှလို့ စနစ်တကျမရှိတာက ကျန်းမာရေးစောင့်ရှောက်မှုနယ်ပယ်တစ်ခုတည်းတော့မဟုတ်တာ အားလုံးအသိပါ။ အခုဆေးလိုက်တိုက်တဲ့အခါမှာလည်း ရပ်ကွက်အစုံ၊ အိမ်ပေါက်စေ့ ကျန်းမာရေးဝန်ထမ်းပါဖို့ဆိုတာကတော့ ကျွန်တော်တို့ သိပ်လောဘမကြီးစေချင်ပါဘူး။ သိပ်လည်းအဆိုးမမြင်စေချင်ပါဘူး။အဆိုးဆုံးကတော့ အခုလုပ်နေတဲ့စီမံချက်ဟာ အများစုယုံထင်ကြောင်ထင်ဖြစ်နေတဲ့အတွက် ရေစုန်မျောရမလိုဖြစ်နေတာပါ။ ဆေးကိုသံသယလွန်ကဲပြီး မသောက်ရဲဖြစ်နေတဲ့သူတွေအများကြီးဖြစ်နေပါတယ်။ အဲလိုဆိုရင် ဒီလုပ်ငန်းတစ်ခုလုံးဟာ ငွေကုန်သံပြာဖြစ်တာထက်မပိုဖြစ်ပါလိမ့်မယ်။ ကျွန်တော်တို့နိုင်ငံမှာ ဆင်ခြေထောက်ရောဂါပိုးဟာ ဖြစ်ပွားနှုန်းများပါတယ်။ ဒီစီမံချက်မအောင်မြင်ခဲ့ရင် နူရာဝဲစွဲသလို မွဲရတဲ့ကြားထဲ ရောဂါပါဖြစ်ပွားနှုန်းပါတက်ပါလိမ့်မယ်။ အားလုံးအကျိုးမရှိတဲ့ကိစ္စပါ။

အခုဖြစ်ခဲ့တဲ့ကိစ္စအကုန်လုံးမှာလည်း ဆေးကြောင့်ပါလို့ သတ္ထုချလို့မရပါဘူး။ မူးတာမော်တာ အော့အန်တာကတော့ ဘယ်ဆေးမဆိုဖြစ်တတ်ပါတယ်။ နှလုံးရောဂါနဲ့သေတယ်ဆိုတာကလည်း ဆေးကြောင့်လို့ မထင်ပါဘူး။ ဆိုးကျိုးလည်း အဲလောက်သိသာထင်ရှားအောင်မရှိပါဘူး။ ဒါပေမယ့်လည်း မြန်မာတွေမှာခက်တာတစ်ခုက ဆရာဝန်ပြောတာထက် ဘေးအိမ်က အကြံပေးတာကို ပိုယုံချင်ကြတာမလား၊ ဆရာဝန်တွေပေးတဲ့ဆေးထက် ရပ်ကွက်ထဲလျောက်ပြောနေတဲ့ ဆေးနည်းလေးတွေကို ယုံချင်ကြတာမလား။ အခုလည်း တစ်ယောက်က ဒီဆေးသောက်ရင် ဟိုဟာဖြစ်တယ် ဒီဟာဖြစ်တယ်ဆိုတော့ ကျန်တဲ့သူကလည်း သောက်ဖုိ့မရဲဖြစ်၊ သောက်တဲ့သူကလည်း ဥပဒ်ဒဏ်ကရှိနေတော့ ဒီဆေးကြောင့်ပဲ ဟိုဟာဖြစ်ချင်သလိုလို ဒီဟာဖြစ်ချင်သလိုလိုနဲ့ဖြစ်ကုန်ရော။ နောက်ဆုံးတော့ ငွေကုန်ခံ၊ လူပင်ပန်းခံပြီး လိုက်ဝေပေးတဲ့ ဆင်ခြေထောက်ရောဂါဆေးထုပ်လေးတွေ အမှိုက်ပုံးထဲရောက်ရတဲ့ကိန်းဆိုက်ရမလိုဖြစ်နေပါရော။ ကျွန်တော်တော့ စိတ်မကောင်းပါ။ အိမ်ကလူတွေအကုန်လုံးကိုလည်း သောက်ဖို့ပြောထားပါတယ်။ နီးစပ်ရာလူတွေအကုန်လုံးကိုလည်း သောက်ဖို့ဆော်သြပါတယ်။ အကုန်မပါဝင်ရင် ဒီစီမံချက် အောင်မြင်နိုင်မှာမဟုတ်ပါဘူး။ ကောလာဟလတွေကြောင့်တော့ အများအကျိုးရှိစေမယ့် ကာကွယ်ရေးစီမံချက်ကြီးတစ်ခုလုံးရေစုန်မမျောသွားစေချင်ဘူး။ ဒီဆေးနဲ့ပတ်သက်လို့ ထင်ရာမြင်ရာလျှောက်ပြောနေလေလေ ဒီစီမံချက်ကြီးတစ်ခုလုံး ပျက်ဆီးဖို့ နီးလေလေပါပဲ။ Little Knowledge is Dangerous ပါ။ ကိုယ့်အတာမကျကြပါစေနဲ့။

Thurein Hlaing Win

From- https://www.facebook.com/myanmardaily.net/posts/10151821297466132